Search
Search
Roger Tuivasa-Sheck

Toe foi Tuivasa-Sheck i le lakapi liki

I le mamafa o lomiga ma faasalalauga, le malomaloa o le autapuai ma le patipatia e ana uo taaalo o le toe taliu mai o Roger Tuivasa-Sheck i le aulakapi liki a le Warriors i le tausaga nei, ae e toatasi lava le tagata e lē o atoatoa sona fiafia, o Tuivasa-Sheck lava ia.

I le mae’a ai o le lua tausaga o taumafai e faaleleia atili lana taalo i le lakapi iuni, ina ua liliu iai mai le lakapi liki, o lea tama sa manumalo i le pine a le Dally M Medal a le NRL, ua toe liliu iai i le taaloga o ‘au taitoa 13, i se tulaga fou.

Ua suia mai i le tulaga fulupeki sa masani ona taalo ai ae lei liliu i le lakapi iuni i le tulaga ogatotonu o le laina i tua, i le ‘au o loo taumafai e faaleleia atili le latou tulaga mai le tulaga sa iai i le tausaga ua mavae.

Sa ausia e le Warriors le taaloga e iloa ai ‘au e sue siamupini – semifinal – i le tausaga talu ai i le taamilosaga a le NRL. 

Ua mae’a taaloga faasamasamanoa e lua a le Warriors e pei ona tamoe ai Tuivasa-Sheck i taaloga uma e lua, ma sa’afiafi ai tama o le Warriors i lo latou taaalo faatasi ma ia.

Ae mo le autapuai a le Warriors, ua latou toe faamagaloina lava o ia mai lona lafoaia o i latou ae liliu i le lakapi iuni.

Peitai o loo solo mai pea faitioga malolosi mo ia.

Sa ia faaalia i le vaega o tala a le Newshub, le alumia uma o pepa ulufale i taaloga faavevela, o se mea e lei faalogo muamua iai.

O le itu e faafiafiaina ai ona sa latou faatino se taaalo mo le aumatamata, ae o le mea moni ia te ia, o loo toe tau faamasani i le malosi e taalo ai i le taaloga.

Ma na ia faaalia ai, o le taimi nei e ao ona ia toe aoaoina le taaloga, ma faafoi lona tino i le mea e manaomia ai e le lakapi liki.

Tala sili ona faitaulia

POLOKALAME A LEOLEO

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

Keep uptodate with Radio Samoa activity & promotion

* indicates required