Ua lipotia i le asō e le 9News o se isi foi malaga a le Virgin Australia na faamalosia le toe foi ina ua iai se faaletonu tau inisinia na aafia ai.
O le vaalele Boeing 737-800 na agai ese mai ma le malaevaalele a Perth i le aoauli ananafi e agai mo Port Hedland ae toe faamalosia le toe foi ane o le faigamalaga.
Na lipotia le vaaia o le vaalele o faataamilomilo i luga ane o Perth e faaalu le penisini a o lei tulaueleele.
Sa fuafua e taunuu i Port Hedland poo le ‘afa o le lima i le afiafi peitai o le taimi lea na toe taunuu ai i Perth.
O le taimi nei o loo faagasolo pea suesuega i le kamupani lea a le Boeing ma isi foi mataupu na aafia ai muamua a latou vaalele.
E lei iai se tasi o le pasese na afaina.
Puna o Faamatalaga: https://www.9news.com.au/national/virgin-flight-in-wa-forced-to-divert-after-technical-issue/1eec40d4-83c5-458f-a964-bbed7c1e318f
