Search
Photo Credit: RNZ

Toe fofola le isi fuafuaga mo le pulega a le iunivesite a Massey a o fuafua ai pea le vāea

Ua toe folasia e le iuni faapea le aufaigluega a le Iunivesite a Massey le isi talosaga mo le iunivesite e tagatagai iai, a o lē mautonu ai pea le vāea lea na faailoa mai e ono o ai le tusa ma le toaselau o le aufaigaluega.

O le amataga o le masina faatoa uma atu na faailoa mai ai e le iunivesite e ono vāea le toaselau o le au galulue ma o mataupu tau inisinia e aafia ai, ma ua mafua lea i le gau e silia ma le $50 miliona i le tausaga lea o loo ta’uta’u e ono oo iai.

O le isi talosaga na faaulu ananafi o lea na tuufaatasia i se auala e ta’u faatasi uma ai faamaumauga tau tupe a le iunivesite faapea ai ma le taumafai e faatumau le toatele o le aufaigaluega i le mafai e oo iai.

E lē o fiafia le iuni i le pulega o le iunivesite ma le vāea lea ua faailoa mai.

E oo mai i le asō o lea e lei maua se faaiuga aloaia ma o loo faaauau pea faatalanoaga ae e lei faalauaitele mai le faaiuga o le talosaga toe iloilo.

O le vāea o loo ta’uta’u e tatau lea ona tupu i le tausaga lenei ma faasolo atu i le amataga o le tausaga fou.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required