Toe faaopoopo le isi 24 itula e tapunia ai Samoa

Ua faamaonia mai e le tamaitai Palemia afioga Fiame Naomi Mataafa le autasi o le Kapeneta e toe faaopoopo ai le isi 24 itula i le tapunia ai o Samoa amata atu i le Aso 27 o Ianuari i le 6 i le afiafi seia oo i le itula e 6 i le afiafi o le Aso Faraile 28 o Ianuari.

Ua faia lenei faaiuga ina ai galulue le Matagaluega ma le aufaigaluega a le Soifua Maloloina i le faiga o suega poo nisi o test o i latou o loo faanofoesea ma i latou ua aafia. E le gata i lea o le saogalemu o tagata o le atunuu ma saga puipui mai le pepesi o le faama’i Koviti19. 

O loo tumau pea i le to’a 26 i latou ua maua i le faama’i, o le to’a 21 o le pasese mai Brisbane Ausetalia i le Aso Lulu na te’a nei ma le isi to’a 5 o le aufaigaluega o loo galulue i nofoaga faanofoesea.

O loo maualuga le manatu a le Mālō ma le Soifua Maloloina e leai ni foliga tigaiga o i latou ua aafia ma o loo tumau pea i totonu o nofoaga faanofoesea poo le MIQ le faama’i e leai se tasi o le komiunitī o aafia. 

O loo faamalosia pea aiaiga o puipuiga mai le faama’i e ala i le faia o tali fofoga ma ia tutū vāvā mai isi tagata. O le Aso Tofi o le a tatala ai faleoloa ma le tele o nisi faletupe ma fale faatau eletise mo nai itula aua le agai atu o le atunuu e fai faatauga mai le 8 i le taeao seia oo i le 2 i le aoauli.

Ioe Michael Crawford i ona moliaga

Ua ioeina e se alii mai Aukilani i Saute lona moliaga o le auai i se soligatulafono na o atu ai I se taavale ma tafana atu i fale o ni aiga i totonu o le lima aso O le

Scroll to Top

Keep uptodate with Radio Samoa activity & promotion

* indicates required