O taualumaga faaauau a le fono aoao faitulafono i le Aso Tofi o lenei vaiaso ua toe faatasi atu ai le ta’ita’i o le Itu Agai i ona taualumaga, i le mae’a o le 24 itula na faasala ai e lē toe auai i le fono o le Aso Lulu, ina ua pasia le lafo na faatū e le Minisita o Faatoaga ma Faigafaiva na faamuta ai le toe auai o le ta’ita’i o le Itu Agai, le susuga Tuilaepa L Sailele Malielegaoi.
O le fesiligia e le ta’ita’i o le Itu Agai o le Fofoga Fetalai i le faauigaina o tulafono tumau i le tulai o se faipule e fia faamalamalama pe faasa’o se mataupu na mafua ai, ona o se faauilavea a le sui ta’ita’i o le Itu Agai i se mea e fia faamalamalama i le saunoaga faalauaitele a le faipule o Safata 1, le afioga Leaana Ronnie Posini.
O se vaega o taualumaga o le fono aoao faitulafono na mafua ai ona faatulai ese le ta’ita’i o le Itu Agai.
