O le po ananei o le a toe saoloto ai femalagaiga I le va o Victoria I Ausetalia ma Niu Sila

O le faasilasilaga lea mai le matagaluega a le soifua maloloina anapo I le latalata ai I le masina atoa talu ona taofia le feoai saoloto a Niu Sila ma lea setete

O le aso 25 o le masina talu ai na amata taofia ai mo sina taimi le tumau ma faaauau mai ai lava ao taumafai Victoria e taofiofi le sosolo o le siama I tua I le komiuniti, aofia ai ma le isi ituaiga siama fou lea ua sau o le Delta

E ui o lea na toe tatala femalagaiga mo le sone lanu meamata mai Melepone taunuu I Niu Sila I le aso 8 o le masina nei, peitai o ia faigamalga faapitoa e mo na o tagata Kiwi na poloka I Victoria

O le toe tasi le minute I le 12 I le vaveao ananei lea e toe tatala ai le feoai saoloto, ma ese mai le le faanofoesea o le a le toe moomia ai foi ma le tapa o faamaoniga o siaki e negative o le Koviti ae e le I agai I le vaalele

E ui la I le sau o lea tala fiafia, o loo faamalosia pea e le matagaluega pasese feoai e mataitu auga o le fulu aemaise o le tatau ona agai mo siaki pe a amata faalogoina

Ae I se tala lata mai I Victoria, e talitonu le vaega o le soifua maloloina o le setete o loo ua saogalemu le komiuniti, ma o loo faaauau pea siaki masani o le Koviti