Toatolu molia I le faaaoga o masini e maua ai faamaumauga o credit cards

Ole faaaogaina faasolitulafono o masini e pueina ai faamaumauga o cards mai faletupe, lea ua molia ai nei alii e toatolu ona o le faia o lea tulaga I ni falemai se lua.

Ua faia moliaga ile maea ai o le suesuega sa faia e le ofisa o leoleo I Waitemata ma suesuega sa faia I ni fale se lua I Ranui. O nei masini e faaaoga e maua ai numera o credit cards a isi tagata. Ole faamatalaga mai leoleo ua taua ai e le Satini Sinia o Tim Williams o le aualii ia e iai sootaga I isi foi tulaga faapea na fetauaina muamua sa faaaoga I masini e totogi ai paka I Aukilani faapea ma le falemai I Waikato I le amataga o le tausaga.

O leisi o le toatolu lea na pueina muamua e leoleo ina ua maua o loo faaaoga le masini I le ATM I Glen Eden. E 26 tausaga ma uafuafua e tulai I luma o le faamasinoga faaitumalo I Waitakere.

O leisi toalua e 33 male 50 tausaga le matutua na tutulai foi I le faamasinoga ma ua unaia e leoleo leatunuu aemaise le au faitaavale ina ia faaaoga le contactless poo le digital payment option e totogi ai paka. Lapatai mai leoleo afai e silafia ni tulaga e ono masalomia I masini ia pe a agai atu e totogi paka, ia taofia le faaaogaina ae logo vave leoleo poo le pulega ole kapaka

Keep uptodate with Radio Samoa activity & promotion

* indicates required