Search

Toatele na auai i le savali o le filemu Samoa mo Samoa

O le savali o le filemu ua faaigoaina o Samoa mo Samoa lea na fuafua e le tamaitai o Maylynn Brown ma lona aiga ia Sooau Vaa lea na faataunuuina i le aoauli nei.

O se vaaiga uiga ese i le malae i tiafau i le felanulanuai ae le gata i lea o le toatele o tagata, amata mai lava i tupulaga talavou, o tina ma tamaitai faapea tamā matutua na auai i lea savali o le filemu lea na agai mai i Eleele fou seia oo i Mulinuu.

O lenei savali ua lua vaiaso o tapena ma fuafua iai lea ulugalii ma na talosaga ai le lagolago a le mamalu o le atunuu o lea la na molimauina i le aoauli nei.

Na taua e Maylynn ma Sooau o lenei faamoemoe e le’o se savali mo le HRPP poo le FAST ae o le savali mo tagata uma o Samoa lea ua tatau ona faaleo o latou manaoga ua tatau ona iai nei se faigamalo a Samoa. Ua taligā le atunuu ma ua leva foi ona fālō lenei matuapu lea ua savali i le 4 masina e le’o mautinoa lava se faigamalo a le atunuu.

O mataupu na faamamafa i lea savali e aofia ai
1. Lagolago i le faamasinoga
2. Lagolago i le uluai Palemia tamaitai filifilia Fiame Naomi Mataafa
3. Lagolagoina le faavae o Samoa
4. Teena i sauaga faasaga i tina ma tamaitai

Na mafai foi ona tuu le avanoa i le mamalu o le atunuu na auai i lea savali e faaleo ai o latou manatu i le tulaga ua iai Samoa ma o le latou tatalo ina ia tulai mai loa se faigamalo ua leva ona tatali le atunuu.

O lenei faamoemoe e lē gata na faia savali i Upolu, o le motu tele i Salafai ae faapea totonu o Brisbane i Ausetalia. O lenei savali Samoa mo Samoa na mafua mai i se tagatanuu Samoa.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required