E toatasi se alii o loo manu’a tigaina ina ua lavea i se faaga’au na pa’ū ane mai se taavale.
Fai mai o lē ua aafia e 30 tausaga le matua ma na aafia i le faaga’au lea a o lei pa’ū ane mai se taavale i Ardmore i Aukilani i le aso ananafi.
O se faamatalga mai le Auckland Westpac Rescue Helicopters na ta’ua ai na maua se fesoasoani o le tagata lea mai nisi o le aufaigaluega i le malaevaalele i Ardmore ma aveina ane ai i le falemai i Middlemore ma e tigaina ona manu’aga.
O loo faagasolo nei suesuega pe na mafua i se ā lenei faaletonu.
