Toaono pueina e leoleo I le faalavelave I Aukilani I Sisifo

E toaono isi alii ua pueina e leoleo ona o le faalavelave na tulai mai I le itu I sisifo o aukilani ile vaiaso talu ai.O loo lipotia e toalua na manunua I lenei faalavelave, toatasi o loo ise tulaga tigaina ile falemai.

E 38 tausaga o se alii na pueina foi ma tulai ile faamasinoga faaitumalo I Waitakere ile aso 9 o le masina nei, molia ile faaoolima faamoemoeina. Ile maea ai la o isi suesuega a leoleo lea ua pueina ai le toaono lea mai tuatusi e aofia ai Helensville, Glen Eden, Swanson, Parakai ma Waimauku ma ua molia foi e leoleo.

O I latou ua pueina e pei ona faailoa mai I le pepa o faamatalaga a leoleo e mai le 25 ile 37 tausaga le matutua ma e tutulai I le faamasinoga I le aso. E oo mai I le taimi nei o loo lipotia le taofia pea I le falemai Ise tulaga tigaina o si alii 28 tausaga na aafia I lenei faalavelave.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required