O le pitonuu o Roseneath i Ueligitone na maua atu iai ni tagata se to’alua i se fale ua maliliu.
O loo ta’ua i se lipoti a le RNZ se faamatalaga a le detective inspector, Haley Ryan e faapea, o le itula e 10pm i le po anapo, Aso Gafua, 31 Mati, na oo ane ai se faatalosaga i leoleo, a se tasi o loo popole ua fai si umi e lei toe maua se tala mai nisi o lona aiga, pe mafai ona latou siaki atu i ai i lea fale.
Na taunuu atu leoleo i le tuātusi na tuu ane, ma maua ai tino maliliu o i la’ua nei.
Na faamautinoa mai e le susuga i le malu o le malo, e lē o iai se tulaga faapea e iai se lamatiaga i tagata o lea vaipanoa lea i Roseneath mai le faalavelave ua alia’e mai.
O le molimau a se tasi na faatalanoa e le sui o le RNZ na ia ta’ua ai, sa iai se taavale iinā i le vaega o loo iai le fale lea na maua iai tino maliliu talu mai pe tusa o le 8am i le taeao ananafi.
O loo faagasolo pea su’esu’ega a leoleo i lenei faalavelave.
Puna o Faamatalaga: https://www.rnz.co.nz/news/national/556799/two-people-found-dead-at-home-in-wellington-s-roseneath
