E to’alua ni alii ua molia i Vitoria ona o loo feta’ua’ina ni faiga taufaasese e aofia ai se vaegatupe e $20 miliona.

Fai mai leoleo o i laua ia e faafoeina ni togavine i le faaitu o Murray Darling ma sa faaaogā nisi o faamaumauga taufaasese i se faletupe Ausetalia e aofia ai ma ni siaki ma faamaumauga o loans sa faia i le va o Setema 2010 ma Mati 2016.

Na mafai ona o la gaoia ai le silia ma le 20 miliona e pei ona faailoa e leoleo.

O se alii e 62 tausaga mai NSW ma le isi e 56 tausaga mai Mildura i Vitoria ua molia uma nei ma ua taofia e leoleo seia aulia le aso 17 o Setema e tutula’i ai i le faamasinoga.

O loo faaauau le su’esu’ega.

Puna o Faamatalaga: https://www.9news.com.au/national/two-charged-alleged-20-million-fraud-mildura-victoria/0c09de6c-4af3-445e-95fd-e492c4c1dbab