E toalua tagata ua maliliu ma le toalima o isi na aveina atu i le falemai mo togafitiga ona o se faalavelave tau taavale na tupu i Vitoria i le afiafi ananafi.
Faamaonia mai e leoleo e lua taavale na feto’ai i Geelong Ring Road i Bell Post Hill poo le lata i le ‘afa o le lima i le afiafi.
O le avetaavale ma le pasese i le isi taavale lea ua maliliu ae o le toalima sa i le isi taavale lea na aveina uma atu i le falemai.
O lea toalima e aofia ai tagata matutua e toalua ma tamaiti e toatolu e feololo manuaga.
E oo mai i le taimi nei o loo faatalia le iuga o suesuega a leoleo o loo faagasolo i le mafuaaga o lenei faalavelave.
