Toafitu na manunua I le faalavelave I Brynderwin Hills

O loo aofia ai ma tamaiti aoga ile toafitu o tagata ua lipotia mai ua manunua ile faalavelave tau taavale na tulai mai I le state highway 1, lea na fetoai ai se pasi aoga ma se van.

O le faalavelave na tupu ile tea laititi o le 8 I le taeao ile fetaulaiga ala I le itu I saute o Brynderwin Hills. Sa faia togafitiga a le vaega o fesoasoani faavavave mo tagata e toafitu e aofia tagata e toalima na aveina atu I le taavale a le falemai I le falemai I Whagarei. O leisi toalua e manua mitimiti mae lei manaomia le aveina I le falemai.

O se pepa o faamatalaga mai le aoga o loo taua ai le tuuina atu o le fesoasoani I tamaiti aoga ua aafia I le faalavelave ma o latou aiga. Taua mai I nisi lipoti o le van na aafia I le faalavelave ua toso ese nei ae o le pasi o loo faapaka pea I tafa ala ma oloo faatalanoa e leoleo le avepasi. Faamatala e se tasi o molimau I le faalavelave le tulaga faapopoleina ina ua iloa o loo aofia ai ma nai tamaiti  sa I totonu o taavale na aafia . O loo faauau nei suesuega a leoleo I le mafuaaga o le faalavelave.

LAUILOA

Keep uptodate with Radio Samoa activity & promotion

* indicates required