Search
Auapaau Logoitino Filipo

Teena e le Komesina o leoleo tuuaiga faasaga i le Matagaluega e faatatau i le mataupu a Leauvaa ma Afega

O loo teena e le alii Komesina o Leoleo, Tofā Auapaau Logoitino Filipo tuuaiga e faapea sa iai leoleo i le taimi na vevesi ai le mataupu o fanua i le va o ni taulelea Afega ma Leauvaa peitai e lei faia sa latou galuega.

Sa faamanino e Auapaau e faapea, “O la matou pou na i Afega e leai se mataupu faapena sa iai, ma sa iai le valaau na alu aku ae oaku ai le makou ofisa ua leai se mea, ua ka’ape.

Ae o le makaupu ga kulai mai e faapea ga ogaga kamaiki Leauvaa ai la o le la ua faakigo le galuega a kaulelea ma le aumaga a Afega ae ua o palalauvavale ma kauvalaau iai i le kaimi la e faakigo galuega, ai la o le mafuaaga lega ga kiga ai figagalo a kaulelea lea la ga omai ai loa kuli, ae ai la ga oaku le respond a leoleo, e oaku la ua uma ua ka’ape.”

Na faamanino mai e Auapaau o le faaiuga a le faamasinoga ua taatia mai lava i le tausaga e 1953.

Na ia taʻua, “E kakau ga silafia foi e le akuguu o le mea saʻo a ia o la e solikulafogo kagaka Leauvaa la e i kokogu o fagua ia o Afega, auā o le iuga lega a le faamasigoga, loga uiga o lea e kaumafai e oaku a faavevesi le makaupu ae o le mea sa’o a sa lē kakau oga iai i lakou i kokogu o fagua ia.

Ua uma ga ave iai le iuga a le faamasigoga o fagua la o fagua a le afioaga o Afega, e pule ai le afioaga o Afega.

O loga uiga la o lo lakou iai i kokogu o fagua ia o la e solikulafogo lakou, so o le mea la ga e kakau oga faamagigo.

Oga ua mafua oga kulai mai le vevesi gei o le oaku fua o kagaka Leauvaa i kokogu o fagua ia, ua leva oga kakau ga agai ese ma fagua ia.”

Sa faamanino foi e le Alii Komesina vaega uma o le faaiuga e tatau ona manino iai le Afioaga o Leauvaa.

“Ma o le faaiuga lea, afai o gi fale mauku maoka ma gi fale o aiga faakasi ma gi mea koko ua aafia, ia silafia lelei e gei aiga uma sa kaukala le faamasigo, amaka mai i le 1952 o fagua o loo fausia ai o lakou fale o fagua o Afega.

Ua savali le 72 kausaga o lē amagaia ma fulikua i faaiuga a le faamasigoga.

O le isi la iuga ga, fai mai o lea ua koe laga aku Leauvaa i le kulafogo e fesoasoagi aku i la lakou soligakulafogo ma le soli faaiuga a le faamasigoga.

E lē kakau la ga iai lakou i kokogu i fagua ia.”

O le fautuaga mai i le alii komesina i afioaga e lua, i le pulega mamalu a alii ma faipule e le gata i Afega ae faapea foi Leauvaa ia tuutuu i le loloto le faautaga e tusa ai ma fafitauli o loo tulai mai.

E lē o manaomia e le matagaluega se soifua e ma’umau.

O le tatalo a le Matagaluega ia tilotilo mamao aemaise tala e ave i tamaiti.

O le Aso Toonai nei lea ua maua tala e faatautaia ai le fono a le afioaga o Leauvaa e faatalanoa ai le mataupu.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required