O taeao lea e amata ai tausinioga a ausoka a alii mai Fiti, Niu Kaletonia, Niu SIla ma Tahiti mo le sa’ilia o ‘au o le a sao atu i le Ipu o le Lalolagi i le soka 2026.
O le ‘au a Niu Kaletonia ma Tahiti o le a taaalo i le Sky Stadium i Ueligitone ae fetaui Fiti ma Niu SIla i le semi final lona lua i le ta o le 7 i le afiafi.
Fai mai le faia’oga o le ‘au a Niu Kaletonia o vevesi faapolokiki i lona atunuu i le tausaga ua te’a sa atili faigatā ai taumafaiga a le ‘au ae sa avea foi ma faamalosi’au tele mo le ‘au i se isi itu ma e le’i faigofie le sa’iliga o le latou avanoa i le tulaga ua iai nei.
Faailoa e le faia’oga a Tahiti o le a faigatā le latou taaloga ae ua fiafia lava ua oo le maualuga o le taumafai i le tulaga ua iai nei.
E manatu le faia’oga a Fiti e faatusa le latou taaloga ma Niu Sila i le tala ia Tavita ma Koliata i le Tusi Paia ma e talitonu o le a tuu atoa le malosi o lana ‘au i le taaloga lea mo se malo.
Mo le ‘au a le All Whites a Niu Sila fai mai le latou faia’oga o latou lea e manatu le to’atele o le a mālō ma maua le avanoa mulimuli lea mo le Ipu o le Lalolagi ma o le a lē tuumāmāina foi la e latou le taaloga.
Puna o Faamatalaga: https://www.rnz.co.nz/international/pacific-news/545391/fiji-new-zealand-tahiti-and-new-caledonia-vie-for-2026-fvifa-world-cup-spot
