Ua lipotia i Ausetalia le taunuu mai iai o se tasi o variant fou o le koviti lea e faaigoa o le Pirola.

O lipoti mai le ABC ua faailoa ai e le fou le alia’e o isi variants fou o le koviti ma e fesuisuiai foi i le tele o taimi e pei lava ona maitauina i le taimi faatoa mae’a le pepesi tele o le faama’i aemaise le omicron variant.

Peitai la e foliga mai o le Pirola poo le BA.2.86 ua faailoa e le ausuesue i Peretania e foliga e mafua mai i le omicron subvariant BA 2 lea na matuai taatele i le amataga o le 2022.

E tasi la le tagata ua faamaonia ua aafia i le variant lea i Ausetalia peitai e ono iai nisi ua aafia ae lē o mailoa.

E oo mai i le aso ananafi ua faamauina le iai o le Pirola i aunuu e 15 ma o loo mataitu foi e le faalapotopotoga o le soifua maloloina i le lalolagi le WHO.