Ua alaga tatau ona mataitu ma le totoa ele vaega o le tiute a niusila nisi o faiga taufaasese ole koviti e mafai ona ofi mai  I tuaoi ole atunuu. Ua faia mai lea fautuaga e se tasi o polofesa mai le Aukland University of Technology o Prof Dave Parry.

Fai mai a ia o nisi faiga o loo faaaogaina nei ile mataituina o tagata femalagai e iai ona faafitauli ma o se faafitauli o loo vaaia tele foi I atunuu I fafo lea o loo lipotia mai ai le tele o tagata ua pueina i borders aemaise lava vaega o loo manaomia ai le faaali o iuga o le test o le koviti sa faia I totonu o le 72 itula ae lei malaga ese mai le tagata mai lona atunuu.

O nisi o faiga e pei ona faailoa I le lipoti ale tv1 e tuuina mai ai e le tagata results poo le tali o lana siaki ise fasi pepa ma o i e tatau ona mataitu lelei.

Fai mai le alii polofesa e tatau ona iai se faiga e mafai ona faamaonia ai e moni ia iuga pe ose faiga foi e faamaonia mai e se embassy mai le atuuu na malaga ane ai pe faaoga foi computer e mafai ona faamaonia ai ia iuga nai lo le faaali ane o se fasi pepa. Fai mai le Customs oloo faaauau pea ona mataitu tulaga uma faapea ose vaegao le latou tali atu I le koviti 19 ma ua iai tagata faigaluega ua toleniina e feagai mai ia tulaga.