Tatau ona faamuta le toe tuuina mai o nisi laisene fou mo faleoloa faatau ava malosi

Ua tatau ona taofia le toe tuuina mai o laisene mo nisi faleoloa faatau ava malosi

O le talosaga lea a le National Maori Authority ua tuuina atu ona o le faatupulaia pea o misa I totonu o taulaga faatau a Aukilani ma Ueligitone

Molimau a Ie Maori Wardens, e le misi fusuaga I le taulaga I Aukilani ma o se vaaiga ua faatetele ma ua tatau ai ona faia se faaiuga vave

I tala a le leitio faavaomalo a Niu Sila, ua tele naua faleoloa faatau ava malosi I le taulaga, ma ua atili faigofie ai

Molimau foi se tasi o loo tele ina galue I le leoina o nei nofoaga I faaiuga o vaiaso, Thomas Henry o le Maori Warden, ua lava ma totoe faleoloa faatau ava malosi I le taulaga e oo lava foi I Aukilani I Saute

I faamaumauga e silia ma le 14,000 faleoloa o loo faatauina ai lava na o le ava malosi I totonu o Niu Sila

Ma I le va o Me o le tausaga talu ai ma Aperila o le tausaga nei, 565 laisene fou na talia mo nei pisinisi mo le taulaga faatau I Aukilani

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required