Ua iai nei le fesoasoani e $350 mo totogi o tagata faigaluega o loo talia faaiuga o siaki o le Koviti
O le aso ananafi na tatala mai ai lea fesoasoani mo pulega o fale faigaluega e fesoasoani ai mo totogi o tagata faigaluega o loo faatali suesuega ma e le o mafai foi ona faigaluega atu I le fale
O se fesoasoani ua saunoa le minisita o le Social Development, Carmel Sepuloni o le a fesoasoani tele lea mo tagata faigaluega e le o iai ni aso mai, ma e talitonu o le a unaia ai tagata e faia le mea tonu o le nofo I le fale ma agai e siaki pe a faalogoina ua mai
O loo tauala mai lenei fesoasoani I le matagaluega o le social development, ma o se peimeni e na o le faatasi ona maua O loo mafai foi ona agavaa ai close contacts poo e vavalata ma le tagata ua faia siaki o le Koviti, ma ua faatonuina e le soifua maloloina I latou nei e nonofo I le fale
