O lea ua tatala i Aukilani faitoto’a o le kamupani faleoloa a le Eveni e pei ona lauiloa ai i Samoa, ae o lea ua tatala nei le latou faleoloa, le EveniPacific, i le Auckland Airport Shopping Centre, e pei ona faalauiloa ai le itulau a le Auckland Airport (AKL) i le facebook.
O le kamupani lenei a Eveni ua 95 tausaga talu ona amata lana tautua ia Samoa i lona faleoloa, ae o lenei la ua faalautele mai i Aukilani, le nofoaga o loo to’atele ai tagata Samoa ma le Pasefika o loo nopia’i ai.
O lenei faleoloa fou o le a e maua ai mamanu sili ona matagofie a le Pasefika i soo se oloa aemaise lava i le itu o laei – lea o loo faalauiloa mai ai mamanu mata’ina o elei, o sikaili eseese faaatumotu o le Pasefika, ma isi brands lauiloa e pei o le EveniPacific, KokoPacific, ma le Marks Samoa.
Ua fetaui lelei le iai o lenei kamupani mo tagata e faimalaga mai faapea foi ma tagata lava o le atunuu.
O le EveniPacific ua lē na o se faleoloa – ae o le patipatia o tu ma aga a le Pasefika ma siaki eseese faa-Pasefika.
O le a mafai ona e aga’i atu iai ma e maua ai se meaalofa aulelei, se meaalofa faapitoa mo oe ma sē ua faapitoa ia te oe!
E te maua lenei faleoloa fou i le Auckland Airport Shopping Centre i le tuatusi o le 1 John Goulter Drive, e latalata i le The Warehouse, pe te maua foi pe a e mulimuli i le latou itulau i le Facebook Eveni Carruthers poo le Instagram @evenicarruthers
