Ua amatalia nei se isi auaunaga a le pulega o falemeli a Samoa ua lagolago atu ai ma fesoasoani i le siitia o pisinisi laiti e pei o le gaosia o oloa taulima.
O le ofisa tutotonu o le pulega o falemeli i le taulaga i Apia ua faatau atu ai nisi o ia oloa gaosi, ma ua faaopoopo i isi tautua o loo faatino e lea auaunaga a le malo.
O le ta’ita’i o le malo le afioga i le Palemia na ia tatalaina aloa’ia lea faaopoopoga o tautua a le pulega o falemeli o loo taunuu iai meli ma afifi mai fafo, ae o loo latou faia foi le auaunaga o le lafoina o meli ma afifi i isi atunuu o le lalolagi.
O lea faaopoopoga o tautua na faia faatasi ma le faalauiloa o ni taavale fou a le pulega o falemeli a Samoa.
