Ua sau le faatonuga ua tatau ona o ese ma le fale o loo faaomiomia ai I Aukilani.

O le faatonuga lea ua aumai e le e ana le fale agai I alii 24 lea o loo suesueina nei faiga faaalatua lea na aumai ai I lalo o visa faigaluega lea e taunuu mai iinei e leai ni galuega to le lelei fale o nonofo ai.

O alii 24 nei ua toe molimau I tala a le Herald, ua le iloa nei poo fea a o iai I le malulu ma e na o le tasi le vaiaso ua tuuina atu e tapena ese ai.

I faaupuga o le tusi mai le Charlton Property Management, o alii nei o loo nofo totogi I le fale I Manurewa, o loo nonofo faasolitulafono ona I lalo lava ia o le tulafono e le mafai ona silia ma le toatolu tagata e faataga I le fale o loo iai nei.

Ua sau lea tusi I le taimi o loo faia ai suesuega ua talo e le malo I faiga o loo faapologa ai tagata nei na aumai I lalo o visa faigaluega nei e omai iinei e leai ni galuega.

O le toatele o alii nei e mai Initia, Pakistan ma Bangladesh.