Tapunia se fale sikaleti i Samoa ona o le lē totogiina o lafoga

Ua taofia le faagaioia o se Kamupani sikaleti e pulea ma umia e se faipisinisi mai Asia ona ua lē usitaia aiaiga o tulafono o lafoga totogi i le Mālō faapea aiaiga o le tulafono o le Soifua Maloloina.

O lea kamupani e le’i leva tausaga talu ona faatuina i le atunuu e pei ona iai lona nofoaga i Tafaigata lata i le nofoaga sa iai le falepuipui ua tapunia. O le asiasiga a le tamaitai Palemia Fiame Naomi Mataafa faapea le Minisita o Pisinisi, Alamanuia ma Leipa Leatinuu Wayne Sooialo aemaise o le Minisita o Faatoaga ma Faigafaiva Laauli Leuatea Polataivao Schmidt ma le Minisita o Tiute ma Tupe Maua Tuala Tevaga Iosefo Ponifasio ma faailoa ai le tapunia o lea Kamupani.

Taua e Fiame “O le fale sikaleti lea ua tapunia e le’i faia faapea ona o le matou asiasiga, na logo mai lava i ala masani o le lē ausia o tulaga foi lea e tatau ona faia, tulaga tau laisene, tulaga tau i le faatinoga o le auaunaga ma manaoga o tulafono tusa ai ma le gaosia o le sikaleti ae e pei e lilifa agai i le tulaga o le totogiina o laisene ma tulaga tau lafoga”.

Taua foi e le tamaitai Palemia “ E le’o ia te a’u le atoatoa o le faamatalaga na’o le logo mai a ona o lea na matou o i le fale sikaleti na aliae mai ai lea o le faamatalaga lea aua lea ua matou talanoa i lea foi auaunaga auā e tele fale sikaleti lea ua iai nei. E fai la o tulafono i mea tau tupe, o mea tau tiute ae e malosi foi le tulafono ia o le

Soifua Maloloina e ao ona faamalieina”.

O se mataupu faaletulafono na afua ai ona tulai mai le mataupu lea i le tapunia ai o lenei fale sikaleti ona sa o se tulafono faatonutonu e tatau ai ona 3 tausaga e totogi atoa ai le lafoga peitai o lei ausia lea vaega e le fale sikaleti ona o nisi o fesuiaiga e le aloaia.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required