COVID-19 vaccine

Tapena Samoa mo le faia o le tūiga tele o le tui puipui o le Koviti

O le Aso Tofi ma le Aso Faraile o le vaiaso fou o le a taofia ai aoaoga a le fanau i totonu o le Iunivesite Aoao o Samoa ona o lea ua faailoa e le Pulega o aso ia ua pasia i se finagalo o le Kapeneta o le a faasolo ai tūiga tele poo le mass vaccination o le tui puipui o le faama’i o le Koviti 19.

O le faauuga mo fanau ua faaiuina nisi o mataupu ma faailoga na sueina na faatulaga e faia i le Aso Faraile 24 o Setema peitai ua toe tolopo atu i le Aso Faraile 1 o Oketopa.

O aso e lua o le a alu ai le tūiga tele o le fuafuaga lea a le Mālō e ala mai i le Matagaluega o le Soifua Maloloina ona e silia i le 20,000 tagata o loo totoe e tatau ona fai o latou tui ona o le vailaau o loo faaaoga e maea lona aiga i le faaiuga o Novema.

O faamaumauga lata mai a le Matagaluega o le
Soifua Maloloina ua faamauina ai le silia i le 98,000 tagata ua maea ona faia o latou tui puipui muamua o le Corona Vairusi ma ua ausia ai le silia ma le 80% o le faitau aofai o tagata Samoa e agavaa ona fai o latou tui puipui o le faama’i.

O le tepataulai a le Mālō ma le Matagaluega o le Soifua Maloloina e lē gata mo le puipuiga o Samoa atoa mai le ono aafia i auga o le Koviti ae ia mautinoa e faaaoga tatau vailaau na tuuina atu mo le saogalemu o tagata lautele.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required