Ua tapena leoleo mo le isi tetee lea ua toe ta’u

O lea ua faasalalau e le Freedoms and Right Coalition lea foi na faia la latou tetee I le Aso Toonai talu ai le faia o le isi tetee I le Aso Toonai o le vaiaso fou, 16 o Oketopa

O le tetee lona lua o loo tautau o lea na faaleoina lava e le alii faifeau o le ekalesia a le Destiny, Brian Tamaki I lana lauga I le vaiaso talu ai, peitai na faaluafesasi ina ua faailoa mai moliaga faasaga ia Tamaki faapea se tasi na fesoasoani e tuufaatasia le tetee muamua

Ripoti a le Newshub na faamanino ai e leoleo o lea ua maua tala o le isi tetee ua tapena, ma o lea foi ua vaavaai iai le aufaigaluega

O le Aso Toonai foi ua ta’u ai le tetee lona lua, o le aso lea ua faailoa mai e le malo o le a avea ma aso faapitoa I Niu Sila e agai uma ai tagata mo tui

O nei tetee o loo finauina ai le saolotoga o tagata taitoatasi aemaise o le le lagolagoina o le faia o lockdown o loo iai