Search

Tapena le fonotaga lona fā a le Pasefika e talanoaina ai mataupu i suiga o le tau i ogasami

O loo ua faalauiloaina nei tapenaga e ala i folasaga mo le fonotaga lona fā a le Pasefika e talanoa ai i mataupu tau suiga o le tau lea o le a faia i le tausaga fou i Samoa nei.

O vaega o loo taimua i le faafoeina o tapenaga e aofia ai le Iunivesite Aoao o Samoa, vaega o loo teumaluina faamaumauga o lipoti ma suesuega tau le siosiomaga ma suiga o le tau i le Pasefika i lona nofoaga autu i le ofisa tutotonu o galuega ma polokalame faalesiosiomaga a le Pasefika le Secretariat of the Pacific Region Environmental Programme (S.P.R.E.P.) ma le Iunivesite a Vitoria i Ueligitone.

E pei ona faailoa ai i faasalalauga le valaaulia lea o i latou e fia faia ni folasaga i lenei fonotaga e agai lea ia i latou o loo faatino suesuega, tomai faasaienisi, nisi o loo iai tomai faapitoa faapea soo se tasi.

O lenei fonotaga e auga lea i le auai faatasi ma faaali manatu eseese e faasoa ai mataupu aemaise o faafitauli o loo aliae mai i le Pasefika i suiga o le tau ma ona aafiaga i le soifua manuia lautele o tagata.

E agai uma vaega o lenei fonotaga i le saogalemu ma auala e tetee atu ai i suiga o le tau ma faufau ai le galulue faatasi mo se Pasefika manuia i le lumanai.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required