Hammer court

Taofia e le faamasinoga le malaga ese o Pātū ma Samoa mo Niu Sila

O lea ua i luma nei o le faamasinoga le talosaga a le Loia a lē sa avea ma Faamasino Sili le afioga Patu Tiavaasu’e Falefatu Sapolu ua talosaga ai ina ia faataatia ese se poloagia na faia e le faamasinoga i le vaiaso ua mavae ua taofia ai le malaga ese ma Samoa o le afioga Pātū.

O lea poloaiga na aumai e le faamasinoga ina ua talia ai se talosaga a se konekarate faufale o loo taoto i le faamasinoga sana tagi faasaga i le afioga ia Pātū i le lē maea lea ona totogi o le tau o le galuega na fausia ai sona maota faaonaponei.

E tusa ai ma faamaumauga a le faamasinoga a ititi mai, e $80,000 tala se tino i tupe o loo aafia i le tagi a le Kamupani faufale.

O le aoauli o le Aso Lulu 11 o Aukuso na valaau ai le amataupu mo le fofogaina o le talosaga e ala mai lea i le Loia a le afioga ia Pātū ina ia faataatia ese ai le poloaiga ua taofia ai lona malaga ese ma Samoa i le fuafuaga e faia ni ana siaki faafomai i totonu o Niu Sila.

O le Aso Tofi na te’a nei na fuafua e malaga ese ai o ia ma Samoa ae sa le taunuu ona o le poloaiga lea a le faamasinoga.

E iai la vaega ua faatonuina e le faamasinoga e tatau ona tuuina atu e itu auai o le mataupu lenei  ona faatoa suesue lea o le talosaga e maua ai se faaiuga i le talia ma le teena o le faataatia ese o le poloaiga ua taua o le Departure Prohibition Order poo le DPO.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required