Na faamalosia le toe taofia mai o se tasi o faigamalaga a le Etihad ae ua saosaoa lana alu o le a tuuvaa ma i’u ai ina faaleagaina se tasi pa’u o le vaalele ma mau ai i luga o le runway.
Ua lipotia e le 9News o le vaalele Boeing 787-9 dreamliner e lata i le 300km i le itula lona saosaoa na alu ai, ae toe taofi faafuase’i mai i le afiafi ananafi i le malaevaalele i Melepone.
Sa faasaoina uma le pasese ma o loo faia nei galuega lipea i le vaalele ma e na o le tasi le runway o loo faaaogā mo faigamalaga i le asō ina ua lē mafai ona aveese mai le vaalele lea mai le nofoaga na faaletonu ai.
Molimau nisi pasese sa i luga o le faigamalaga lea na mu le kia o le vaalele e faaaogā mo le landing ma pā pā ai ma pa’u e 2 o le vaalele.
Puna o Faamatalaga: https://www.9news.com.au/national/melbourne-flights-etihad-airways-plane-aborts-landing-at-high-speed/46f5d09e-1926-4d3a-b861-25b1904dbc52
