Ua filifili le tamaitai Palemia o Samoa o le a le faataunuuina se tasi o atinae i le uafu i Vaiusu lea na fuafua e faatupe e le Malo o Saina lea na talanoaina e Tuilaepa ao tulai mai i le tofi.
Taua e Fiame Naomi Mataafa o lea atinae $100 miliona tala amerika poo le 139 miliona tala Niu Sila o le saga faaopopo atu i aitalafau a le atunuu i le malo o Saina lea ua silia ma le 40 pasene o aitalafu i atunuu i fafo a Samoa.
Taua foi e le tamaitai Palemia ua faamaonia mai e sui o le malo i le vaiaso na tea nei e lei o’o lea atinae i le tulaga o le mafai ona faatino.
“Ua maea ona faailoa i le Matagaluega o le Va i Fafo e le ave le faamuamua a le malo i lea mataupu ma e lei faia ni maliega maumaututū ma e tatau ona tuu ai faapena”.
“We’ve indicated to Foreign Affairs that this would not be a priority with our government, and since we haven’t made any firm commitments, that we should leave it at that”.
O lenei atinae e telē sona sao i le iuga o le faigapalota a le atunuu i le masina o Aperila ona o le toatele o tagata e le’i auai i lenei mataupu ma i’u ai ina suia ai ma le faigamalo.
O se tasi nei o vaega muamua o le auaunaga a le faigamalo fou talu ona faaulufale i le vaiaso na tea nei o le taofia o lenei atinae mai le faataunuuina ma na taua e Fiame o lenei atiane o le a siitia ai le aitalafu a Samoa agai ia Saina i le 70 pasene.
