Search
Search

Talosaga Sam ma Sivai e faasee ese le faamasino ia Talasa Saaga mai le iloiloga o le la mataupu

O le Aso Faraile o le vaiaso na tea nei na toe valaau ai le mataupu a Sam Simiko ma lona toalua o Sivai Kepi i luma o le tamaitai faamasino o le faamasinoga faaitumalo o Talasa Atoa Saaga, e tuuina atu ai le la talosaga e faasee ese le tamaitai faamasino mai le tagofia o le la mataupu lea ua faatulaga mo le masina o Me.

E lei faailoaina e le alii loia o loo tulai mo Sam ma lona toalua poo ā mafuaaga o le talosaga.

Na faailoa e le tamaitai faamasino lona sauni e iloilo le talosaga, peitai na faailoa e le loia a Sam e lei tapena mo se iloiloga ae sa iai lona manatu e na o le valaau lava e faatulaga se aso e iloilo ai le talosaga.

O le masina na tea nei na teena ai e le tamaitai faamasino le tatalaina o lea ulugalii i tua, ona o ni mafuaaga tatau e pei ona tuu atu e le itu a leoleo mau uma e lagolago ai lo latou teena o le talosaga.

Ma o ia mau e aofia ai le tele o suafa o lea alii ma e lua foi ona pepa fanau, o le faalavelave i molimau a leoleo ma e lē o iai se nofoaga mautu e mafai na nofo ai pe a tatala i tua.

E silia ma le 100 moliaga o loo molia ai Sam ae 59 moliaga o loo molia ai lona toalua.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required