chris hipkins

Talosaga e vavaeese le South Island mo le puipuia mai le Delta

Ua tele talosaga i le toe vaavaai i le faatapulaa o feoaiga i le va o le North ma le South Island ina ia puipuia mai le South mai le Delta

O le Aso Toonai lea ua faamaonia mai ai ua maua le case faamaonia o le Delta i le South Island, ma o lea toeitiiti tausaga atoa faatoa toe maua lea o se case i le komiuniti a le South

O lea case faamaonia e faapea na faimalaga atu mai Blenheim I Rotorua, ma i ripoti a le soifua maloloina ananafi e le’i faia uma ona tui e lua o le Koviti

Toalua i laua e vavalalata sootaga ma lea case ma ua faanofoesea nei i Blenheim, i faaiuga o uluai siaki na faia e foi e negative

Talitonu se tasi o tagata suesue faapitoa ia Michael Baker e tasi lava le auala na oo atu ai, o lea na avatu e le North Island ma ua tatau ai ona toe vaavaai i siaki o loo faia i tuaoi

Lagolagoina foi e i latou i Kalaiesetete le toe faamamafa o le vavaeeseina atu o vaega o loo lapataiga vaega 2 mai ia Aukilani ma lana vaega 3

E oo mai ananafi e le o iai se fuafuaga a le malo e vavaeese atu le South Island e tusa ma saunoaga a le minisita o le Koviti, Chris Hipkins

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required