Su’a Hellene Wallwork
Su’a Hellene Wallwork

Tālia se tali a le Loia Sili i le tusi a le Kamupani Vaalele mai Ireland

E ono oo i le tulafono le mataupu o le lisiina mai o le vaalele o le 737-800 a le Samoa Airways lea ua faasolomuli e le Mālō le  feagaiga na sainia e lisi mai ai le vaalele mai se Kamupani i le atunuu o Ireland. 

E 7 aso ua tuu atu e le Kamupani i le Loia Sili a le Mālō e tali atu ai, a’o le aotelega o lea tusi ua tuuaia ai le Ofisa Loia o le Latū Lawyers lea na ave iai e le Mālō le galuega o le toe lauliliuina o le feagaiga o le lisi mai o le vaalele ma avatu se fautuaga faaletulafono. 

269684121 1332196020552822 6233092460042875262 n 1 - Radio Samoa

O le fautuaga a lea Ofisa loia e iai vaega o le tulafono o Kamupani a Samoa ua soli i le faagaioia o le feagaiga. Ua faaalia e le Kamupani e ana le vaalele e sesē ma lē sa’o le faamatalaina o lea Ofisa loia o tulafono tau vaalele na faavae ai aiaiga o le lisi ma e lē malamalama iai lea Ofisa loia. 

E pei ona silafia na amata mea le faigamalo sa iai i le tapenaina o le lisi mai o le vaalele peitai na tuai ona malaga mai e faatino faigamalaga faavaomalo ona sa manaomia le faia o siaki ia atoatoa le lelei ma le saogalemu i lona faaaogaina. 

E maea le palota tele ia Aperila ma suia le Pulega Mālō a Samoa ua ese le silasila a le faigamalo fou i le faia o le faaiuga e taofi loa le aumaia o le vaalele ma faamuta ai ma le lisi. E faia lea faaiuga e lei malaga atu lava i le atunuu le vaalele o loo tū pea i le malaevaalele a Brisbane i Ausetalia. 

E le’i manuia taumafaiga i le fia maua o se finagalo a le Loia Sili a le Mālō e tusa ai o le tusi atu a le Kamupani e ana le vaalele ua toe faafoi. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required