Talia le talosaga e faia ai koneseti I Eden Park

E ui e le i maea lelei le finauga o loo faatalosagaina ai le faia o koneseti I Eden Park, ae e foliga mai o loo agai I se iuga manuia

O lea ua talia le talosaga e faia ai koneseti e 6 I totonu o le tausaga I Eden Park

I tuutuuga o loo mafai ona faia I aso o le vaiaso, faaiuga o vaiaso ma aso malolo, ma e tatau ona faamalieina le umi ma le taimi faatapulaa o le a fofola mai

Ao fiafia ai le pule sili o le paka ia Nick Sautner, o loo toe talia nei le isi laasaga o le tuu mai o le 15 aso e mafai ai e I latou e tetee I lea faaiuga ona apili I le faamasinoga o le siosiomaga poo le Environment Court

E tusa ma le 2966 finagalo o loo lagolagoina le talosaga a le pulega o Eden Park, ae na o le 180 tagata na tetee, ma ua faafetaia ai e le pulega le komiuniti, pisinisi ma faalapotopotoga eseese ona o le faaleoina o finagalo e lagolago ai lenei faamasinoga

Afai ae maea ane lenei iloiloga ua manumalo le Eden Park, o lona uiga o le a faafaigofie ai foi ona faia koneseti I le paka e aunoa ma le tau talosaga mo le ioega I taimi uma e faia ai koneseti taitasi

O le mataupu lenei ua leva ona ivi ma le pulega o le paka, ma o le na palemia I tausaga ua mavae Helen Clark o se tasi lea o tagata na tu malosi e taofia le faia o nei faatasiga I Eden Park

LAUILOA

Keep uptodate with Radio Samoa activity & promotion

* indicates required