Ua pei atunuu Pasefika o ni nofoaga e faaauala pe taula mai iai faiga faaalatua, peitai o le itu e faigata ai o loo aafia ai foi ma o tatou tagata.
A o faagasolo le koneferenisi o loo una’ia ai le faamalosia o tulafono i le Pasefika ma o loo faia ai i Fiti, o le aafia o galuega, tau o le soifuaga ma auaunaga faalesoifua mālōlōina ona o Koviti ua o se avanoa ua tele ina tua iai tagata Pasefika i faiga faasolitulafono lea e aofia ai le ave faafaigaluega i atunuu i fafo ma o loo faia i ni auala piopio.
E lē gata i lea o le faaui atu i le Pasefika o laau faasāina aemaise o lona fefaataua’iga.
O se mataupu ua laga ai e le sui usufono o Fiti le lipoti lenei mai Malo Aufaatasi ma e lē gata ua maua ai o loo lavea ai Fiti ae faapea le Pasefika atoa.
Ua sau ai ma le talosaga e moomia koneferenisi faapenei e talanoaina ai auala e tutū faatasi ai ta’ita’i Pasefika ma tetee faatasi atu i nei faiga faasolitulafono o loo faaaogā ma aafia ai o tatou tagata.
