Search
Search
Photo Credit: YouTube

Taitaia e Bill English le iloiloga tutoatasi e faia faasaga i le Kainga Ora

Ua faamaonia ma o loo talitonuina e le malo le avea o lē sa avea ma Palemia o Niu Sila, Sir Bill English na te taitaia le suesuega tutoatasi e faasaga i le Kainga Ora.

O iloiloga nei o loo vaavaai ai i tulaga tau tupe ma ana aseta, e pei ona sau ai i le lipoti lata mai a le matagaluega o tupe o le Kainga Ora sa $2.7 piliona ana aitalalafu i le 2018 ae sau ia Iuni o le tausaga nei ua $12.3 piliona ma o le fautuaga na tuuina atu iai i le tausaga talu ai a alualu ai lava faapea e oo atu i le 2033 ua oo i luga i le $28.9 piliona.

O le vaiaso nei na faatoa fofoga mai ai e le malo o le a faia lea iloiloga tutoatasi, ma na ta’ua e le Palemia ia Christopher Luxon ananafi, o le popolega o le malo o le puleaina o aseta nei e matuai tāua i le tamaoaiga o Niu Sila.

Ae mai le minisita o le Housing, Chris Bishop, ua maualuga tele le aitalafu ma o le popolega o loo iai o lea e foliga mai o loo alu i luga.

O le iloiloga ua faia nei o se tasi o vaega o le fuafuaga o le 100 aso a le faigamalo, ma o le tofia ai o Bill English na te taitaia o le a galulue faatasi ai la latou komiti ma le faamoemoe e toe lipoti mai i le malo i le faaiuga o Mati.

Tala sili ona faitaulia

SAMOA UPDATE

PODCAST

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required