Suiga fou a le Mālō i le faatinoina o faalauiloa i fua o faatoaga i le atunuu

Ua agai le Mālō e faatino se suiga fou i le faia o faaliga e faalauiloa ai fua o faatoaga, lafumanu ma Faigafaiva e pei ona faailoa ai e le afioaga i le tamaitai Palemia se finagalo o le Kapeneta ua talia ai le faasolo o ia faaaliga i nuu ma afioaga o itumalo taitasi o le atunuu.

E pei ona silafia o nei faalauiloa i fua o faaeleeleaga ma fua o Faatoaga ae le gata i lea o figota o le sami, o lafu manu sa faalua o fai i le tausaga ma e ese le faalauiloa a Upolu ese le faalauiloa a le motu tele i Salafai.

Faaalia e le tamaitai Palemia afioga Fiame Naomi Mataafa o se suiga o le a avanoa ai fai faatoaga, le au failafu manu faapea le au faifaiva o nuu ma afioaga o itumalo ona auai e faalauiloa a latou taumafaiga o le itumalo Faleata No.1 na amata ai lea suiga e pei ona sa faatino lea faaliga i le afioaga o Vaimoso i le Aso Toanai na tea nei. 

O le a galulue soosoo tauau ai foi le Mālō o le matagaluega o Faatoaga ma faigafaiva faapea ai ma le Alii ma faipule o afioaga ma itumalo taitasi ina ia mafai ona tino mai nei suiga tetele ma o le a faaigoaina o le Talamua. O le isi foi mafuaaga na tagatagai ai le Mālō i nei suiga o le faaaoga tatau ai o tupe faaalu mai le tele o nofoaga na faaoga e fai ai nei faalauiloa o Tupe totogi i meaai ma le tele o vaega ae o le a faaaoga ia seleni e fai meaalofa ai i nuu poo itumalo pe a faatino a latou faalauiloa o Talomua.

O masina o loo totoe o le tausaga faaletupe seia pāia le faaiuga o Iuni i le tausaga fou o le a faasolo ai ia faaliga taufaatoaga ma Faigafaiva i le atunuu.  

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required