Ua iai suiga fou i taiala e tatau ona faamalieina e mafai ai ona faatalosaga e avea o se leoleo.

Faamaoniga mai le sui komesina o leoleo Jill Rogers, o suiga nei o le a faataga ai tagata o loo umia laisene avetaavale ua taua o restricted license e faatalosaga i avanoa faigaluega faaleoleo.

E leai se suiga i le maualuluga o agavaa e tatau ona faamalieina, peitai o le talia o tagata o loo umia restricted license o le a faaopoopo ai le toatele o tagata e mafai ona faatalosaga.

I faamaumauga e silia ma le 250,000 tagata o loo umia restricted license i le taimi nei.

A o tālia ai la i le amataga o le talosaga, o le aiaiga e tatau ona ausia le full license ae e lei uma toleniga faaleoleo.

O le isi suiga faaopoopo o le mafai ona agavaa ai ma tagata o loo umia visa nofomau e faatalosaga.

O loo tulimataia le sini a le malo ia faaopoopo leoleo fou e 500 a o lei uma le tausaga fou.

Puna o Faamatalaga: Police eligibility criteria extended to increase potential pool for recruits | RNZ News