Ua suia faatonuga mai le soifua mālōlōina mo tagata e toe maua i le Koviti. 

Ua saunoa le minisita o le Koviti, Dr Ayesha Verrall o soo se tasi e toe faalogoina āuga o le Koviti mai le aso 29 pe sili atu foi talu ona mua’i faamaonia siaki o le Koviti, e tatau ona toe faia se isi siaki. 

O lea siaki afai ae foi mai ua toe faamaonia o lona uiga ua tatau ona faanofoesea mo le 7 aso. 

Ua suia ai mai fautuaga na mua’i tuuina mai e lē moomia le toe tau faia o siaki o tagata na mua’i faamaonia siaki o le Koviti i totonu o le 90 aso, ma o se suiga o loo fua i fautuaga faavaomalo. 

O le toe faanofoesea mo le 7 aso ua suia ai foi le fautuaga na mua’i sau afai e te toe maua i le Koviti i lalo mai o le tolu masina talu ona e mua’i maua, e moomia lou nofo i le fale ma se’i atoa le 24 itula talu ona lē toe faalogoina āuga atoa ai ma le lē toe faia o se siaki rapid antigen test. 

E lē o iai se suiga i tagata o aiga o le case faamaonia e toe maua i le Koviti i totonu o le tolu masina lea e lē moomia ai fua le tau faanofoesea seia vaganā ua faalogoina lava e i latou nei āuga o le faama’i.