Ua suia tulafono I le faaaogaina o mask I lalo o le moli lanu mumu o le traffic light setting ua iai nei le atunuu atoa
Mai le palemia, Jacinda Ardern ua tatau nei ona faaaoga mask poo ufi fofoga i pisinisi o loo faatau ai meaai ma vaiinu, pisinisi e vavalalata fesootaiga ma tagata, faatasiga ma sauniga
I nei suiga e le o aofia ai fale faigaluega e le o faafesagai ma tagata lautele faapea swimming pools ma faatasiga o loo faaaoga tasi e tagata masani lea nofoaga
O ufi fofoga foi e le toe talia le faaaoga o le scarve, bandana poo le mitiafu e pei ona vaaia i nisi.
O tagata faigaluega foi o loo poloaia le tatau ona faia tui ua tatau nei ona faaaoga mask ua maea ioeina e le soifua maloloina le saogalemu mo puipuiga lea e aofia ai ma le mask lanu moana taatele o loo tele ina faaaogaina
Ua faamautinoa mai ai foi e le faatonusili o le soifua maloloina Dr Ashley Bloomfield e le o faatonuina e le malo le faaaoga o le N95 e tagata lautele, ona e taugata ma e ono le maua e tagata uma
Ae mo fanau aoga o le vasega 4 agai I luga lea ua faamalosia le tatau ona faia o le ufi fofoga, o se taimi e le o toe mamao o le a faailoa mai ai e le malo se isi tala I le sapalai ma le faaaoga o masks I totonu o aoga
O teuteuga o le tulafono mo mask ua faailoa mai e amata faamamalu mai le aso a taeao
