O loo tuua’ia o lea na faaaogā sese e le pati a Maori faamaumauga o tusigaigoa e fai ai a latou faatosina i taimi o le palota, ma ua talo ai nei le faia o se suesuega.
Ua faamaonia mai e le Palemia, Christopher Luxon o lea o le a faia e le komisi o galuega a le malo, le PSC se suesuega tutoatasi faasaga i tuua’iga nei.
O loo matua’i teena e le pati a Maori nei tuua’iga.
Ae mai le Palemia, o le suesuega ua talo ua faia lea ina ia mautinoa ai o loo malu i pulega faamaumauga a tagata lautele.
O le tusi a le Palemia ua tuuina atu i le PSC o loo maioio ai itu e tatau ona agai iai le suesuega, ma e lē gata o le faaaogāina o faamaumauga, ae o le mautinoa e leai se feteenai i le vaaiga a tagata lautele.
Na ta’ua ai e Luxon ananafi i tusitala, e lē o se mataupu laititi ma e matuiā tuua’iga.
O nisi faai’uga i tua atu o lenei suesuega, o le a fua uma lava i le i’uga o iloiloga a le PSC ua faia nei.
Puna o Faamatalaga: Public Service Commission to conduct independent inquiry amid TPM Census claims (1news.co.nz)
