brian-tamaki-lockdown-protest
Photo: Newshub

Suesue le lauga taufaamatau a Brian Tamaki

Ua iai tuuaiga fou faasaga I le alii faifeau ia Brian Tamaki ma o loo vaai iai leoleo

I le sauniga a le ekalesia Destiny I le Aso Sa faatoa uma atu na folafola ai e le alii faifeau o le a faalavelave ma tuliesea mobile vaccination clinics lea ua tapena mo tuiga o le Koviti o fanau 5 I le 11 tausaga le matutua

O lea lauga na faailoa ai e Tamaki o le a oo I aoga ma faaleaga taumafaiga uma o loo tapena e faia ai tui I aoga

Tala a le Herald ua ripotia nei I leoleo ma o loo faia suesuega pe ono toe faia nisi moliaga faasaga I le alii faifeau

I se tali mai a leoleo o loo suesue faamatalaga ua faaoo atu

O Tamaki o loo tumau pea lona teena o moliaga ua molia faatolu ai ona o le soli o tapu o le Koviti I Aukilani, ma o le vaiaso talu ai lea foi faatoa toe faataga ai lona asia o le Auckland Domain mo tafaoga faapea le mataaga peitai e tumau pea le faasa I aso o solo tetee

O le sauniga o loo agia ai nei saunoaga taufaamatau na toe faasalalau I luga o le upega tafailagi a le ekalesia

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required