Ua faailoa e le taitai o le Act i le asō o David Seymour, o lana fonotaga i le asō sa faia ma Christopher Luxon ma Winston Peters o se fonotaga matuai lelei.
O le Pullman Hotel na faataunuu ai le fonotaga i Aukilani ma faamaonia foi i se ata o taitai e toatolu o loo pue faatasi mai i le laulau o le fonotaga.
Fai mai Luxon e moni o se fonotaga lelei ae o loo tele pea se galuega e fia faia.
Ina ua fesiligia Seymour i le umi o tau faamautu pea faaiuga a taitai o vaega faaupufai e tolu, na ta’ua e Seymour o le fonotaga o le taumafai lea e tapuni avanoa o loo matala ma sauni e galulue faatasi ma tagata e ala i le soofaatasi.
Na ta’ua e le taitai o le Act e lei faatalanoaina foi e lana vaega faaupufai ni tulaga o tofi faaminisita ae fai mai Seymour o latou lava ia o faiga faavae e ave iai le faamuamua.
