Search

Silia ma le toa 100 tagata na siaki o latou fofoga i le faamanatu ai o le Aso Faapitoa mo le Faalogo

O le aso ananafi na faamanatuina ai e Samoa le Aso Faapitoa mo le Faalogo “World Hearing Day”, i lona autu: Suia o manatu ma vaaiga i tagata e iai aafiaga o le faalogo poo le logonoa.

Ma i le faamanatuina o le aso faapitoa na molimauina le galulue faapaaga ai o le Women In Business Development Inc (WIBDI) ma le Ekalesia o le Porotesano i Apia e faatino siaki mo tagata o loo iai aafiaga i le faalogo.

Na faatino nei siaki e tauala atu i le fesoasoani a le SENESE ma sui o le Matagaluega o le Soifua Maloloina i lona vaega o le ENT Department.

O le Aso Toonai o le vaiaso na tea nei na amatalia ai siaki.

Ta’ua i pepa o faamatalaga a le WIBDI na faamauina ai e ova atu ma le toa 100 tagata na mafai ona faia siaki o fofoga faapea ai ma le faamamāina.  

Na mafai foi ona tuuina atu e sui o le SENESE ni mea faalogo (hearing aids) e 10 mo sui na auai atu, o loo moomia lea vaega tāua mo lo latou faalogo.

I se sauniga faapitoa i le aso ananafi mo le faamanatuina o le Aso mo le Faalogo na molimauina ai nisi o sui o le Ekalesia Porotesano e logonoa o loo faasoa i o la olaga, o ni tagata e iai aafiaga o le faalogo.  

Sa faafetaia e le faauluuluga o le Women In Business Development Inc paaga uma na mafai ona lagolagoina le tuufaatasia o le polokalame tāua.

E aofia ai Ekalesia Porotesano i Apia ma sui o le Ekalesia Logonoa, Faalapotopotoga o le Soifua Maloloina (WHO), World Hearing Forum, Coalition for Global Hearing Health, Senese Inclusive Education, CARE Australia, Australian Aid, Australian NGO Cooperation Program (ANCP) for Gender Equality, le Matagaluega o le Soifua Maloloina, ma le Matniuel Screen Printing & Signs.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required