E silia ma le $6 miliona le fesoasoani a Niu Sila o le a ave mo le Marshall Islands e tapena ai mo taimi o faalavelave faalenatura ma suiga o le tau.
O le saunoaga lea a le Sui Palemia o Niu Sila, o ia foi o le Minisita o le Va i Fafo, Winston Peters ananafi ao iai I le taulaga i Majuro.
Ao iai Peters i lana malaga taamilo i le atu Maikolenisia i lenei vaiaso, ua ia faamatalaina le lamatia gofie o le motu mai mala faalenatura ona o lona tulaga tu maualalo ma o lenei poloketi tele o se ata lea o le tu malosi o Niu Sila i le la mafutaga ma le motu.
O le iai o le sui palemia ma lana au malaga i Marshall Islands na feiloai ai ma le Peresitene faapea sui o le malo ae e lei fa’aauau le faigamalaga i le Federated States of Micronesia ma Palau.
Talu mai ona tulai mai Winston Peters i lona tofiga o le minisita o le va i fafo, e le i malolo le malaga i le Pasefika, lea ua faafā ai nei ona malaga talu mai Tesema ma o lona manaoga ia telē le taimi o Niu Sila i le Pasefika ma ia uma ane foi le tausaga lenei ua foi mai ana asiasiga mai le 17 o atunuu o loo i totonu o le li’o a le Pacific Island Forum.
Puna o Faamatalaga: https://www.rnz.co.nz/international/pacific-news/524890/nz-gives-more-than-6-million-to-support-resilient-and-prosperous-marshall-islands
