Ua silia ma le 300 leoleo Kiwi o lea ua faatalosaga i avanoa faigaluega e o ai e galulue i Kuiniselani i Ausetalia.
O lea ua silia laititi ma le tausaga talu ona faalauiloa le polokalame o loo saili atu ai i Niu Sila ni leoleo mo Kuiniselani, ma e lē gata o loo sau ai totogi maualuluga ae faapea le $22,000 e tapena atu ai.
Mai ia Me o le 2023 e oo mai i le taimi nei, o lea ua 322 leoleo Kiwi ua faatalosaga, e ese ai le isi 138 o loo faasauni.
O faamaumauga nei o loo ta’ua e le 1News e lē o mafai ona faamautinoa mai e le minisita o leoleo, Mark Mitchell lea na ia saunoa pe ā ma le 50 i le 100.
O fuainumera ua ta’ua e mo na o Kuiniselani, ae lē o iloa pe toafia ua o pe o loo faasauni foi mo isi setete o Ausetalia.
Puna o Faamatalaga: More than 300 NZ officers apply to work with Queensland Police (1news.co.nz)
