Search

Silia ma le $3 miliona le saofaga faameaaalofa a le Pulega o Uafu

Ua faamauina pea le agai i luma ma le siitia o le tupe o saofaga faameaalofa poo le dividend a se tasi o Faalapotopotoga Tumaoti a le Mālō le Pulega  o Uafu ua tuuina atu ae faatupe ai galuega faatino a le Mālō i ana fuafuaga o le atinae o le tamaoaiga o Samoa.

E silia ma lea $3 miliona le aofaiga o lea aafiaga faameaalofa na tauaao e le Minisita o Pulega o Uafu ia Olo Fiti Vaai i le Minisita o Faalapotopotoga Tumaoti uma a le Mālō ia Leatinuu Wayne Sooialo i lenei masina. Ua faamauina ai foi o se tasi lea o saofaga faameaalofa pito tele ua ausia e le Pulega o Uafu talu ona faatūina i le 22 ai nei o tausaga.

Ua faafetaia ai e le Minisita, le Pulega ma le Komiti Faafoe a lea Faalapotopotoga Tumaoti a le Mālō i latou uma ua faaaogaina lana tautua i le fela’ua’i o uta e le gata i oloa e ave atu i fafo a’o oloa foi ua faaulufale atu i le atunuu. Ua faaaopoopo ai ma le sao o Pulega o Kamupani Vaa eseese o loo faaaogaina le tautua a le Pulega o  Uafu.

O nei saofaga faameaalofa o le a telē se fesoasoani i le Mālō ma le tele o ona atinae o loo manaomia le faatinoina mo le lumanai manuia o le atunuu ma lona agai i luma.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required