Search
Gladys Berejiklian
Gladys Berejiklian | Photo: wollondillyadvertiser.com.au

Siitia pea le aofai o cases ole koviti i Sini

E 38 cases fou ole koviti ua faamauina mai I Sini I le aso ma o le 12 o ia cases e le o mailoa poo fea na aafia ane ai, ua oo atu ai ma le aofai o cases o le faamai o loo iai nei I Niu Sau Uelese I le 395.Fai mai le premier Gladys Berejiklian ua maualuga tele lea fuainumera ma ua talosagaina tagata ia taofia le asiasi i o latou aiga lautele.

Fai mai le premier o le itu e faanoanoa ai I le tulaga o loo aliae mai ona o loo pasi atu lava e tagata le vairusi i o latou aiga ma e pele ia I latou e pei o matua o matua. O le talosaga a le premier e ao ona nonofo I fale ma aiga ma ia alofia le feoai sei vagana o se tulaga e matua manaomia ona faatino.

I le taimi nei e 40 cases o loo iai ile falemai, 11 o I latou ia o loo ile vaega tigaina o le falemai ma le toatolu o loo faaaoga le masini faamanava.Fai mai le minisita o le soifua maloloina Brad Hazzard afai e faaauau pea ona faia e tagata le mea talafeagai e iu ina oo I se tulaga e oo ai ina talia loa le tulaga o le a ola faatasi ai ma le vairusi I totonu o komiuniti.

O le taimi nei o loo faaauau pea ona taofia le tumau femalagaaiga ile va o Niu Sila ma setete o Niu Sau Uelese ma Kuiniselani I Ausetalia.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required