Na sese ona fafaga le maa o le scooter e alu i le uila, ma iu ai ina tulai mai le mu i totonu o se tasi o apartment i Ueligitone i le faaiuga o le vaiaso ma e toatasi na faamanu’alia tigaina ai.

Po o le Aso Toonai lea na lipotia mai ai le pa o le scooter a o fafaga le maa ma mulimuli ai mu, ma i lipoti e le fou le mu o e-scooters i totonu o Niu Sila.

E le o mautinoa poo le ā sa’o le mea na tupu, ae i uluai suesuega a le ofisa o tineimu ua fai mai ai na mafua ona mu ona na sese ona fafaga le maa o le scooter.

Ua ta’ua ai e nisi o le isi mafuaaga taatele o le faaaoga o chargers taugofie poo chargers nei e faatau mai e le toatele i luga o le Alibaba, peitai e le tutusa ma le malolosi o maa o loo faaaogā e scooters e alu i le uila.

O le fautuga mai le pulega, ia sa’o le charger, aua le fafagaina mo le po atoa ma ia fafaga foi le maa i se nofoaga taalaelae.