Search
Photo by RNZ

Saunoa Buchanan i uiga faaalia o nisi atumotu Pasefika i le mataupu a Iapani

Ua saunoa se tasi sa avea ma ofisa tau le puipuiga ma suesuega ma faiga faavae, Paul Buchanan o nisi o atumotu o le Pasefika ma a latou gaioiga o loo taumafai ia ogatasi ma faiga a Saina i le mataupu e faatatau i le lafoaia o le suavai Niukilia a Iapani i ogasami.

Ua faailoa e Buchanan i le RNZ Pacific ua mafua lea tulaga ona o loo taumafai ia atumotu ia faamatala pea se avanoa mo i latou e maua ai ni fesoasoani mo tulaga fia faaleleia.

A o faaauau ai pea ona faasā e Saina le toe aveina atu o taumafa mai le sami mai Iapani i lona atunuu, ua avea ai le mataupu lea i le Fukushima ma suavai Niukilia ua avea o se mataupu faaupufai o malo ae lē o se tulaga faasaienisi.

E pei ona silafia ua mae’a faailoa le tetee o le tele o atumotu i le gaioiga lea a Iapani ae ua mae’a foi ona faailoa e Iapani ua uma ona faatino gaioiga ua togafitia ai le suavai lea ina ia aua ne’i iai ni vaega e maua ai ni aafiaga lē lelei mo le itulagi.

O le lauga a Henry Puna le failautusi o le Pacific Island Forum sa faia i le mataupu lea na ia ta’ua ai ua mataitu e atunuu o le Pasefika Iapani i le mataupu lea pe afai e iai se mea e faaletonu.

O le vaiaso nei o loo feta’ua’ina ai le fonotaga a minisita o le va i fafo a le Forum ma e lē mailoa pe talanoaina ai le mataupu lea ae o loo tumau pea ona eseese ai finagalo o le Pasefika.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required